Vísir Fréttir Lífið Íþróttir Viðskipti Vefmiðlar
BlogCentral.is Innskráning Nýskráning
Hæ Stína stuð.......
Aðalvalmynd
Bloggarar
Börnin
Myndir:)
14.03.2009 21:23:57 / stina

Það sem skiptir máli

Já þið sem þekkið mig vitað að hluti af hjartanu mínu varð eftir í Svíþjóð þegar við Freyr fluttum heim, hér er hvorki að finna HM eða Melodifestivalen.

En áðan voru úrslitin í Melodifestivalen (Júróvisjón)  og eins og í fyrra var uppáhalds lagði mitt í öðru sæti, en ég er samt alveg sátt við lagið sem vann, heimsfræg sænsk messósópran söngkona sem er kannski með svolítið djúpa rödd en fer mjög vel með háu tónana.

Fyrir þá sem vilja kíkja og sjá hvað bíður ykkar frá Svíþjóð í maí
Lagið sem vann:
Og lagið sem var í öðru sæti

Jæja þið vitið þá hvað ég verð raulandi næstu vikurnar

Kram
Stína



» 3 hafa sagt sína skoðun

10.03.2009 14:25:37 / stina

Stína snýr aftur:)

Og mörgum mánuðum síðar

Já dramað í kringum prófin er löngu búið….

Komið nýtt ár, vorið á næsta leyti og önnin meira en hálfnuð

Best að stikla á stóru hvað hefur gerst fram að þessu:


/>

·      Fórum heim til Stokkhólms í útskriftina Freys, hef aldrei á ævi minni verið jafn stollt, fór næstum að grenja úr hátíðleika þegar hann trílaði um Nóbelsverðlaunasalinní kjólfötum.

·      Varðsamferða Carolu heim í flugi, meig næstum því á mig þegar ég sá hana.

·      Fórí próf daginn eftir að ég kom heim…..

·      Varð pirruð á leiðinlegu íslensku fólki í jólaösinni

·      Fór heim til mömmu og pabba og átti voða góð jól

·      Fór á Húsavík til Freys um áramótin, var veik meirihlutann af tímanum svo að það var ekki svo gaman.

·      Las stjörnuspána mína fyrir árið í mogganum og fór næstum því að gráta.  Það verður allt á afturfótunum fyrir nautið árið 2009 og það á að láta djamm eiga sig og sitja heima og læra.

·      Drifum okkur til Rvk eftir jóla/áramóta fögnuðinn og átið svo að Freyr gæti hafið vinnu að nýju og ég gæti farið að læra fyrir upptökupróf ( hmmm borgar sig víst ekki að vera í útlöndum daginn fyrir próf)

·      Lærði,lærði, lærði

·      Fórí próf, tölva 1 virkaði ekki, tölva 2 virkaði, gekk lala og viðtók martraðir í 3 vikur þar til kom að einkunna skilum.

·      Skólinn byrjaði aftur, ákvað að taka 36 einingar (GEÐVEIK) og eyði nú öllum mínum stundum í að reikna á excel.

·      Auður mása kom í heimsóknJ

·      Fórum heim á Hofsós á Þorrablót, átum, drukkum og dönsuðum eins og brjálæðingar.

·      Hittum Bjarka ameríkana, Stínu og Hafstein sem einnig mættu á Þorrablót.

·      Hafsteinn,64 ára, rústaði mér í tvisti, er enn að jafna migL Spurning um að fara að mæta í ræktina

·      Fórum heim og tattatata mín beið einkunn, hef aldrei áður viljað gráta og hlæja í sömu andrá þegar ég hef fegnið einkunn. Náði með frekar lága einkun sem var samt hæsta einkun.

·      Læra á kvöldin, læra um helgar, vakna á morgnana og læra sbr stjörnuspáin

·      Fékk metinn inn einn áfanga af þeim 6 sem ég var skráð í og mér létti stórum, fór næstum því að gráta ég var svo glöð. (Hefur sennilega eitthvað að gera með það hvað kennarinn er leiðinlegur)

  • Rúnar, Auður og Bjarkey Dalrós komu í heimsókn, átum 1 kg af nammi og höfðum það rosalega gott

·      Er búin að vera með hausverk í viku og er ekki að fíla það

En jæja í framtíðinni er það helst að nú fer að leggjast yfir verkefni og verkefnaskil í skólanum, ég ætla nú samt að fara norður helgina 20-22 mars þar sem pabbi minn verður 65 ára þann 21. mars og BjarkeyDalrós, guðdóttir mín verður 1 árs 19. mars.  Svo ætlum við Freyr að fara á Ísafjörð um páskana, heimsækja Stínu og Hafstein, rokka feitt á rokkhátíð og kíkja á Dóru, Bjarka og Hálfdán Ingólf.  Svo ætla ég að leggjast í dvala eftir páska og fram til 15 maí og læra fyrir próf…. en kem svo sterk inn eftir kl 16:30 þann 15 maí, orðin árinu eldri og prófin búinJ

En þangað til ætla ég að reyna að vera dugleg að blogga því ég veit að ég á amk einn aðdáanda af blogginu sem hefur nægan tíma núna í heilsuleyfinu sínu til að lesa bullið mitt

Knús á ykkur öll

Stína


» 0 hafa sagt sína skoðun

10.12.2008 23:30:19 / stina

Breytist ekki neitt

Já merkilegt hvað maður breytist ekki

Þegar ég var yngri gat ég eitt tímunum saman með headset á hausnum og hlustaði á tónlist (spilaða af kasettu í vasadiskói) og litaði eða brasaði eitthvað slíkt, núna sit ég með headset á hausnum hlustandi á tónlist úr tölvunni minni að reikna...... væri nú alveg til í að vera lita fallega mynd.

Lenti samt í óskemmtilegri lífsreynslu í dag, sem undirstrikar enn og aftur að sumir hlutir breytast ekki.  
Var í prófi í skattskilum sem fór fram í tölvum.  Þegar rúmlega klst var búin að prófinu fraus word skjalið mitt og ekkert hægt að tjónka við það.  Átti að vera í lagi þar sem sjálfvirk afritun átti að eiga sér stað á korters fresti ( plús að ég var búin að vista það nokkrum sinnum) en neibb af einhverjum  orsökum hafði skjalið mitt ekki vistast og allt var tómt þegar ég opnaði skjalið aftur.  Þannig að þegar einn og hálfur tími var búinn af prófinu var ég á byrjunarpunkti.  Fékk extra eina og hálfa klst til að klára prófið.  Getið ímyndað ykkur netta taugaáfallið sem ég fékk, en með það í huga að ég og tölvur erum eins og vatn og rafmagn þá gat ég nú reiknað með einhverju klúðri.
Fyrir utan að þetta var sjúklega erfitt helvítis próf og ekkert í stíl við kennslu vetrarins.

En jæja best að halda áfram að reikna, ekki nema 11 klst í næsta próf;)

Vona að þið hafið það gott í jólastússinu

Kram
Stína- sem breytist ekki neitt

» 0 hafa sagt sína skoðun

05.12.2008 16:22:26 / stina

Á lífi

Jæja þá er hinn yndislegi tími prófalærdóms gengin í garð og ljótan mætt í öllu sínu veldi.  Ég er eins og aðrir nemendur komin með sigg á rassinn og bláa bauga undir augun;) 
En það þýðir ekkert að kvarta.  Eftir tvær vikur verð ég komin í jólafrí.... bara ein ritgerð, fjögur próf og Svíþjóðar ferð þangað til!!!


Vildi bara láta vita að ég er á lífi.... og heheh smá afsökun til að líta upp úr stærðfræðibókunum!!!

Kram
Stína

» 1 hafa sagt sína skoðun

25.11.2008 12:15:56 / stina

Ég var að spá

Hæ hæ

Fékk smá flugu í höfuðið núna rétt áðan þegar ég var að hjóla heim úr skólanum.

Í því ótrúlega árferði sem nú geysar ætla Íslendingar að fara að muna og segja nei við spillingu.  Fólk talar um hið nýja Ísland sem muni rísa úr öskustónni.  Ég vil að við gerum meira en að muna og neita spillingu.  Ég vil að við förum að taka tillit til náungans.... hljómar nú bara smávægilegt í samanburði við allt annað sem á að fara að breytast.  
  • Okkur er alveg sama þó að við leggjum upp á gangstétt og enginn komist framhjá, skítt með einhverjar mömmur með krílin sín á gangi.

  • Okkur er sama þó við gusum regnvatni yfir krakka á leið í skólann, iss þetta þornar. 

  • Okkur er sama þó að við rekum okkur í aðra, þeir voru fyrir.

  • Okkur er sama!!

Ég verð eiginlega mjög leið þegar ég hugsa til þess hvað við erum miklir eiginhagsmunaseggir.  
Eins og allir sem mótmæla niður í bæ um helgar, leggjandi bílunum sínum þvers og krus og sumir eiginlega bara á götunni, verðum við ekki að taka aðeins til hjá okkur sjálfum ef við viljum að ríkisstjórnin og þjóðin öll geri það hjá sér?

Var bara að spá í þessu
Kram
Stína

» 3 hafa sagt sína skoðun

18.11.2008 12:40:36 / stina

Pæling

Hæ fólk
Varð að henda hérna inn smápælingu ef eitthvert ykkar hefur völd sem ég þekki ekki til:)

Einu sinni óskaði ég mér þess að náttbuxur kæmust í tísku og það mætti ganga í þeim heima jafnt sem heiman.  Loksins þegar þetta varð svo raunin fannst mér ég vera orðin of gömul til að taka þátt í þessu ( hehe fór nú samt á rauðu náttbuxunum mínum, sem eru ekki náttbuuxnalegar út, í gær þegar ég sótti pizzu í kvöldmatinn)

Nú var ég að hugsa um að óska mér þess að fataframleiðendur hætti að setja miða á föt...vona að einhver kippi í strengi og þetta verði orðið raunin sem fyrst.  Ég meina fataframleiðendur geta sparað heilmikið með þessu og í staðin geta þeir bara sett þvottaleiðbeiningarnar á verðmiðann eða þrykt því á flíkina:) og ég verð alsæl og þarf ekki að byrja á því að miðahreinsa fötin mín eða ef ég gleymi því að þurfa að hagræða miðunum svo að þeir pirri mig ekki...lúkkar ekki flott!!

Annars er ég orðin þreytt á fréttum, orðin stressuð fyrir próf og í þessari viku liggur fyrir próf á morgun, verkefnaskil á fimmtudaginn og ein verkefnaskil sem voru í morgun:)

Vona að þið hafið það gott
Stína, sem haldin er einstakri miðafóbíu!!!!

» 2 hafa sagt sína skoðun

22.10.2008 00:08:27 / stina

Meiri gleði??

Já er ekki best að standa við fögur fyrirheit um fleiri skemmtilegar sögur hérna á bloggið.

Ég er að læra fyrir stærðfræðipróf sem er á  morgun og að sjálfsögðu missti ég mig aðeins á youtube.

Varð að skella þessu inn því þetta er örugglega betra en nokkur saga sem ég gæti sagt ykkur.




Vonandi finnst ykkur þetta jafn fyndið og skemmtilegt og mér

Kram
Stína



» 0 hafa sagt sína skoðun

09.10.2008 20:35:33 / stina

Einfaldari tímar

Rektor Háksóla Íslands hvatti í dag nemendur og starfsfólk skólans til að rétta vinum og ættingjum hjálparhönd þar sem margir ættu um sárt að binda um þessar stundir.  Í stað þess að hringja í alla sem ég þekki og gantast í þeim ákvað ég að skrifa smá blogg um þegar lífið var einfaldara.

Þessi saga hefst árið 1986 þegar íslendingar tóku í fyrsta skipti þátt í Söngvakeppni Evrópskra sjónvarpsstöðva með laginu Gleðibankinn.  Að sjálfsögðu kom ekkert annað en sigur til greina hjá þjóðinni sem hafði þá eins og alla tíð tröllatrú á sjálfri sér.  Ekki fór sem skyldi og enduðum við í 16 sæti, sem ekki er alslæmt.  Í sveit norður í landi var hins vegar tveggja ára hnáta sem hafði þá ekki skilning á hinni viðamiklu keppni líkt og hún gerir nú.  Hún hreyfst hins vegar að laginu og í einfaldleika sínum taldi hún að verið væri að ræða um útibú hins forna Búnaðarabanka á Hofsósi.  Henni fannst ótrúlega spennandi að fá að fara í sjálfan Gleðibankann sem var í hinum smá heimi eini bankinn sem til var.  Það hefur sennilega ekki skemmt fyrir að fólkið í bankanum var mjög skemmtilegt sem jók trú telpunar litlu að þetta væri hinn eini sanni Gleðibanki.

Já mínir kæru svona gekk lífið í sveitinni:)

Ég vona að þið brosið amk út í annað við að hugsa hversu einfaldur heimurinn var þegar við vorum lítil.

Vona að þið hafið það gott, ef ég fæ jákvæð viðbrögð er aldrei að vita að ég lumi á fleiri einfeldningssögum....

Kveðja
Stína


» 4 hafa sagt sína skoðun

03.10.2008 15:49:46 / stina

Þunglynd eyðsluþjóð

Já nú eru einhverjir sem iða í sætum sínum og vilja öskra á íslensku þjóðina "told you so" eða " sagði þér það".  Búin að vera skemmtileg vika í skólanum þar sem allt sem okkur var kennt í síðustu viku stenst engan vegin á við raunveruleika þessarar viku.  Ætla ég ekki að íþyngja ykkur með einhverri viðskiptaumræðu en ég er þakklát fyrir að vera ekki lengur í Svíþjóð á íslenskum námslánum og að skulda ekki neitt (hehe nema námslán sem er seinni tíma höfuðverkur).

Framundan er annasöm helgi þar sem ég á að skila verkefni í Ársreikningagerð á þriðjudaginn og hópaverkefni á föstudaginn. Í vikunni þar á eftir á svo að skila verkefni í skattskilum.  Vona nú að þetta hafist allt saman þó að ársreikningaverkefnið sé frekar strembið.  Held að ég megi kalla mig doktor í sjóðsstreymi ef ég næ að klára það!!!

Reykjavík er hvít og falleg núna, ég ljómaði eins og sól þegar byrjaði að snjóa í gær.  Freyr fór og sótti hjólin okkar út svo þeim yrði ekki kalt í snjókomunni.  Við fórum svo bæði hjólandi í vinnu og skóla í morgun.  Ég er svo mikill auli að ég datt þegar ég var rétt að verða komin heim áðan, eða sko aftarahjólið rann til hliðar og ég á leðurstígvélunum steig niður og rann náttúrulega bara líka til;) Töff týpa.  En hvorki ég né tölvan mín hlutum skaða af svo þetta var allt í lagi.

En jæja ætli ég neyðist ekki til að fara að læra núna, búin að þrífa heimilið, blogga, skoða netið en úps kannski ég fái mér eitthvað smá að borða áður en ég byrja!!  Frestun... mjög slæmur ávani námsmanna!!

Vona að þið þraukið - þetta jafnar sig á svona 3 árum;)

Puss och kram
Stína

» 2 hafa sagt sína skoðun

22.09.2008 15:21:06 / stina

Hraðahindrun

Hvað er málið með rigninguna hérna í Reykjavík?? Það er búið að rigna síðan að skólinn byrjaði og ég er orðin pínu þreytt á því!!  Á meðan hefur verið brakandi blíða á Norðurlandi og þar gleðjast menn yfir því að það rigni smá.  Ég er nú yfirleytt lukkuleg yfir rigningu og hugsa alltaf að þetta sé nú bara gott fyrir gróðurinn men herregud, það má sko öllu ofgera!!

Skólinn gengur ágætlega, er enn að venjast þessu álagi að lesa 5 fög í einu en þetta kemur allt, tala nú ekki um það ef ég fer að drullast til að vakna á morgnana og hætta að eyða tíma í að hanga á netinu.  Annars er mesti munur að búa svona nálægt skólanum, er ekki nema 5 mínútur á sæta rauða hjólinu mínu.  Í mínum hugarheimi um mig, skólabækurnar og reiðhjólið var aldrei tekið inn í reikninginn þetta blessaða veðurfar í höfuðborginni, en maður lætur það ekki á sig fá og bítur á jaxlinn.

Annars er allt gott að frétta af hinu venjulega heimilislífi hjá okkur, fórum enn eina IKEA ferðina í gær og keyptum bókahillu fyrir námsbækurnar.  Annars er heimilið orðið svona nokkuð fínt, já svona fyrir utan afleðingar fellibylsins IKE.  Eins og einhver ykkar vita búum við á annari hæð þe efstu hæðinni í húsinu.  Við áttum því ekki von á því að svona fellibylsleyfar hefðu áhrif á okkur en annað kom á daginn þar sem þakrennu-niðurfallið stíflaðist, gat var á þakrennunni akkurat fyrir ofan svalirnar okkar og niðurfallið þar stíflaðist líka.  Á miðvikudagsmorguninn þegar ég var að taka mig til í skólann heyrði ég svo sérkennilegt hljóð undan parketinu og þegar ég fór að kíkja á málið hafði vatn lekið undir parketið og svalirnar voru fullar að vatni (svona 10-15 cm).  Þetta er svo búið að vera að fá að þorna síðan þá og afleiðingarnar eru smá hæðir í parketinu hér og þar í svefnherberginu. Sú stærst er í miðju herberginu og veldur miklum vangaveltum um hvort hún eigi eftir að teygja sig inn í stofu.  Væri ekki svo slæmt nema hvað að það er eins parket á allri íbúðinni þannig að það er annsi erfitt að ætla að skipta um parket á einu herbergi.  Svo er þetta heldur ekki bætt af tryggingunum þar sem þetta er regnvatn.  Ég er samt hálf hissa á því að enginn á vegum íbúðareigandans hefur komið til að kíkja á þetta.

En já lífið er annars bara ágætt þrátt fyrir hraðahindrun í miðju svefnherberginu:)

Vona að þið hafið það gott

Puss och kram 
Stína

» 1 hafa sagt sína skoðun

27.08.2008 15:21:34 / stina

Haustið nálgast

Hæ hæ

Fannst vera kominn tími á einhverjar smá fréttir, hef nú engar afsakanir fyrir þessu bloggleysi nema að ég nenni þessu nú bara ekki.  En aldrei að vita hvað gerist nú þegar maður þarf að fara að sitja við skrifborðið nokkra klukkutíma á dag.

Ég byrja í skólanum kl 11:40 á mánudaginn, lífið er nú svo ljúft að leyfa mér að sofa út á mánudögum... held að það sé nú ágætt.  Er í tveimur tímum þá sem reyndar stangast á og svo er móttaka fyrir skiptinemendur.  Ætla að sjálfsögðu að mæta á það og eignast skiptinema vini;)

Ég er búin að vera mikið fyrir norðan hjá mömmu og pabba síðan um miðjan mánuðinn.  Þau eru að flytja og við systkinin búin að vera að hjálpa þeim að laga nýja húsið.  Ég er einmitt að fara norður á eftir með Árna frænda á flutningabílnum og svo kemur Freyr á föstudaginn og þá höldum við á Húsavík þar sem haldið verður upp á fimmtugs afmæli pabba Freys.  Já það er sko nóg að gera!!  

Vona að þið hafið það gott

Puss och kram
Stína

» 5 hafa sagt sína skoðun

28.07.2008 15:29:59 / stina

Blogg??

Já sumarið er tíminn sem maður nennir sko ekki að eyða í tölvunni og vera að blogga!!

En sökum þess að ég sá að 30 manns hefðu kíkt inn á síðuna mína í dag þá sá ég mér ekki annað fært en að henda inn nokkrum línum.

Lífið er ekki komið í fastar skorður hjá okkur skötuhjúunum og getum við ekki sagt að nein vika í sumar hafi verið eðlileg, eða sko þannig að maður vinni bara og fari svo heim og sé eitthvað að stússa.  Það hefur verið mikill gestagangur og margar ferðir sem við höfum farið í RL og IKEA, en svo að það sé á hreinu þá er ég ekki að kvarta yfir gestakomum!!!

Eftir að við eignuðumst litla krúttlega bílinn okkar hefur ferðum um borgina fjölgað til muna og alveg ótrúlegt hvað hægt er að kaupa.  Einnig hefur orðið á vegi okkar annað en stærstu umferðaæðar borgarinnar þar sem Freyr hefur tekið sér tíma til að sína mér að höfuðborgarsvæðið er ekki alslæmt. Tókum td rúnt upp að Bessastöðum um daginn þar sem allt var á fulllu í heyskap og það gladdi nú litla lúðann mig heilmikið;)

Svo fengum við sjokk um þar síðustu helgi þar sem við vitleysingarnir héldum að það væru tvær helgar í versló en það var bara ein.  Við erum náttúrulega orðin svo sænsk að öll dagskrá sumarsins er þétt skipulögðu og allt í einu varð bara að sleppa heilli helgi!!  
Svo er ágúst mánuður að verða fullbókaður og kemur sér vel að ég er í fríi þann mánuð því að ég hef svo margt annað að gera en að vinna.

HEheh aldrei að vita nema að komi fleiri blogg þegar ég verð endanlega hætt að vinna

Kram 
Stína

» 2 hafa sagt sína skoðun

18.06.2008 23:10:24 / stina

Ísland

Hæ hæ

Jæja í fyrsta skiptið á Íslandi er ég komin upp í rúm fyrir klukkan 23:00 þannig að ég verð víst að sinna æstum aðdáendum síðunnar og blogga smá.

Lífið hérna á Íslandi er hálf brjálað.  Síðan ég kom heim er ég búin að:

Byrja að vinna sem leiðbeinandi í vinnuskóla Reykjavíkur, verð að játa að það er mjög misgaman í vinnunni, fer algjörlega eftir krakkaskaranum sem ég er með hverju sinni þar sem ég er afleysingaleiðbeinandi og þvælist því um bæinn.

Fara norður í Skagafjörð og austur á Húsavík, hitti þar vini og ættingja og auðvitað litla gullið hana Bjarkey Dalrós.

Þrífa nýju kósý íbúðina okkar.  Erum rosalega ánægð með hana þó að hún hafi verið skuggalega illa þrifin og gömul reykingarlykt í henni.  Erum svo að fá dótið okkar frá Svíþjóð núna í vikunni þannig að það er að verða partýhæft á heimilinu.

Eyða 17 júní í Reykjavík, mjög spennandi fyrir utanbæjarfólk.  Grilluðum svo með Möggu systir um kvöldið.

Síðan voru mamma og pabbi að koma í borgina í gær þar sem pabbi var að leggjast inn á sjúkrahús í morgun í rannsóknir.  

Á morgun ætla ég svo að vinna, dúllast eitthvað með mömmu, sækja hinn sófann okkar og græjast með tollaskýrslu og hmmm kannski taka mér tíma og skreppa í þjóðskrá og skrá mig í landið.

Um helgina ætlum við svo að skunda norður á Ísbjarnaslóðir (brjálaður húmor) og tjútta á Hofsósi um helgina!!

Yfir og út
Stína

» 5 hafa sagt sína skoðun

08.06.2008 14:57:00 / stina

Planið

Hæ kæra fólk

Núna er planið komið á hreint!

Á  morgun kl 6:30 verður dótið okkar sótt, eitthvað um 14 kassar, tveir svartir pokar og sennilega eitt eldhúsborð og fjórir stólar (sem ég ætla að skúfa í sundur í kvöld, jeij)  Og ég sem flutti til Svíþjóðar með eina ferðatösku!!
Eftir að dótið verður farið er fátt annað að gera en að þrífa litla kotið og flytja til Rósu og Einars í tvo daga.
Á þriðjudaginn ætla ég svo oggu poggu að kíkja í búðir.... svona ef það verður eitthvað pláss eftir í töskunum!!
Á miðvikudaginn á ég svo flug heim kl 12:45 og áætluð lending er 13:45 minnir mig.  Þá ætlum við Freyr að flytja í íbúðina sem við erum búin að fá leigða að Reynimel 42 í RVK.
Á fimmtudaginn ætla ég svo að byrja að vinna sem flokkstjóri í vinnuskóla Reykjavíkur.
Á föstudaginn eftir vinnu ætlum við svo að bruna  norður og kíkja á guðdóttir mína og aðra fjölskyldumeðlimi.
Á laugardaginn þá ætlum við að fara á Húsavík og hitta fjölskylduna Freys og sækja eitthvað búdót sem við eigum á loftinu.
Á sunnudaginn verður kíkt aftur í Skagafjörð og svo brunað í bæinn til að mæta fersk í vinnu á mánudagsmorgni!!

Já svona lítur planið út fyrir næstu viku, eins gott að ég sé búin að vera að slappa af hérna fyrir þetta!!!

Flutninga og þrifa-kveðjur
Stína

» 7 hafa sagt sína skoðun

31.05.2008 13:17:00 / stina

Herregud

Hæ hæ

Ákvað að blogga í tilefni að því að það eru 10 ár frá því að ég fermdist!!!  Blogga bara um stórtíðindi í lífi mínu núna!  Já ég á voða bágt með að trúa því að það sé svona langt síðan ég stóð á 10 cm háum hælum og alltof stuttum kjól með skakkar tennur og lét ferma mig.  

Sumarið er komið hérna í Svíþjóð og nýtur þess að pína mig sem situr inni í prófalestri, hata próf í júní!!!  Annars er ég ein heima þar sem Freyr minn er floginn úr hreiðrinu og fluttur til Íslands.  Hann byrjar að vinna á mánudaginn hjá Mannviti í Reykjavík.  Ég verð því bara ein hérna næstu tvær vikurnar í prófalestir og að pakka niður og flytja.

Jæja ætla að fá mér muffins sem ég keypti áðan og mjólk og halda svo áfram að læra.  Ég og lagabókin mín verðum óaðskiljanlegar næstu vikur...

Yfir og út
Stína

» 2 hafa sagt sína skoðun

Síður: 1 2 3 ... 18
Heimsóknir
Í dag:  4  Alls: 50302
Dagsetning
21. mars 2010
Klukkan